भारतसंग नेपाल १० विकेटले पराजित

मुख्य समाचार

गृहपृष्ठ
मुख्य समाचार

भारतसंग नेपाल १० विकेटले पराजित नेपाल एशिया कप बाट बाहिरियो

समाचारदाता सोमबार, भदौ १८, २०८०

श्रीलंकामा जारी एशिया कप क्रिकेट प्रतियोगितामा नेपाल भारतसंग १० विकेटले पराजित भएको छ ।

बर्षाका कारण २३ ओभरमा घटाइएको खेलमा भारतले १४५ रनको लक्ष्य पाएको थियो ।सो लक्ष्य भारतले बिना विकेटको क्षतिमा १७ बल बाँकी रहँदै सहज तरिकाले भेट्टाएको थियो । भारतकालागि कप्तान रोहित शर्माले अविजित रहँदै ७४ र शुभमान गिलले अविजित रहँदै ६७ रन बनाएका थिए ।

यो संगै नेपाल प्रतियोगिताबाट बाहिरिएको छ भने भारत एशिया कपको सुपर-४ मा प्रवेश गरेको छ ।

त्यसअघि भएको खेलमा नेपालले टस हारेर पहिले ब्याटिङ गर्दै ४८.२ ओभरमा सबै विकेट गुमाएर २३० रन बनाएको थियो । नेपालकालागि आशिफ शेखले सर्वाधिक ५८ तथा सोमपाल कामीले ४८ रन बनाएका थिए । कुशल भुर्तेलले ३८, दिपेन्द्र सिंह ऐरीले २९ र गुलशन झाले २३ रन बनाएका थिए ।

यसैगरि सन्दिप लामिछाने ९, भिम सार्की ७, कप्तान रोहित पौडेल ५, कुशल मल्ल २ र ललित राजवंशी शून्य रन बनाएर आउट भएका थिए । नेपालका करण केसीले अविजित रहँदै २ रन बनाए । भारतकालागि रविन्द्र जडेजाले ३, मोहम्मद सिराजले २ तथा मोहम्मद शामी, हार्दिक पाण्ड्या र शार्दुल ठाकुरले १-१ विकेट लिएका थिए ।

एशिया कपको ग्रुप-४ मा पुग्नकालागि नेपाल र भारतलाई यो खेल जित्तै पर्ने दबाव थियो । आफ्नो पहिलो खेलमा नेपाल पाकिस्तानसंग पराजित भएको थियो । यसैगरि भारत र पाकिस्तानबीचको खेल बर्षाका कारण अवरुद्ध भएपछि दुबै टोलीले १-१ अंक बाँडेका थिए ।

प्रकाशित मिति: सोमबार, भदौ १८, २०८०

प्रतिक्रिया दिनुहोस्