रामबहादुर बमजनलाई बलात्कार मुद्दामा १० वर्ष कैद र रु. पाँच लाख दण्ड, हत्या र बेपत्ता मुद्दा बाँकी

समाचार

गृहपृष्ठ
समाचार

रामबहादुर बमजनलाई बलात्कार मुद्दामा १० वर्ष कैद र रु. पाँच लाख दण्ड, हत्या र बेपत्ता मुद्दा बाँकी

समाचारदाता मंगलबार, असार १८, २०८१

कुनै समय लिटिल बुद्ध ‘तपस्वी’ भनेर चर्चित र पछि बलात्कारी ठहर रामबहादुर बम्जनलाई अदालतले १० वर्ष कैद र पाँच लाख क्षतिपूर्ति सजाय फैसला गरेको छ । जिल्ला अदालत सर्लाहीले बालिकामाथि यौनजन्य कसुर गरेको ठहरसहित दण्ड तोकेको हो । न्यायाधीश जीवनकुमार भण्डारीको इजलासले बम्जनलाई १० वर्ष कैद र पीडितलाई रु पाँच लाख क्षतिपूर्ति भराउने आदेश फैसला गरेको हो ।

बालिकाको परिवारले सर्लाहीको लालबन्दी नगरपालिकास्थित पत्थरकोटमा रहेको आश्रममा रहेका बेला बारा जिल्लाको निजगढ नगरपालिका–१२ निवासी ३० वर्षीय बम्जनले यौनशोषण गरेको भन्दै २०७६ माघ २३ गते जिल्ला प्रहरी कार्यालय मलङ्गवामा किटानी जाहेरी दिएको थियो । सोही मुद्दामा बम्जनलाई काठमाडौँको बूढानीलकण्ठ नगरपालिका–६ स्थित निवासबाटै गत पुस २४ गते साँझ सिआइबीको टोलीले पक्राउ गरेको थियो । पुस २६ गते अदालतले पुर्पक्षका लागि थुनामा पठाएपछि बम्जन जिल्ला कारागार महोत्तरी जलेश्वरमा छन् ।

बम्जनमाथि आश्रममा बस्ने अनुयायीको हत्या गरेको, बेपत्ता पारेको तथा यौनहिंसा गरेको आरोप छ । बम्जनविरुद्ध पाँच परिवारले उजुरी दिएका छन्  । आश्रममा बस्दै आएका तीन युवती र दुई युवालाई बेपत्ता पारेको आरोप छ । ती मुद्दामाथि सुनुवाई हुन बाँकी छ ।

प्रकाशित मिति: मंगलबार, असार १८, २०८१