सरकारद्वारा भाेैतिक पूर्वाधार पुनर्निर्माण कोषमा योगदान गर्न आह्वान

समाचार

गृहपृष्ठ
समाचार

सरकारद्वारा भाेैतिक पूर्वाधार पुनर्निर्माण कोषमा योगदान गर्न आह्वान

समाचारदाता बिहीबार, असोज ९, २०८२

सरकारले भौतिक पूर्वाधार पुनर्निर्माण कोषमा योगदान गर्न आह्वान गरेको छ ।

सिंहदरबारमा पत्रकार सम्मेलन गर्दै भौतिक पूर्वाधार तथा यातायातमन्त्री कुलमान घिसिङले जेनजी आन्दोलबाट क्षति भएका सार्वजनिक तथा सरकारी भौतिक संरचनाको पुनर्निर्माणको लागि आवश्यक आर्थिक स्रोतको व्यवस्था गर्न भौतिक पूर्वाधार पुनर्निर्माण कोष स्थापना गरिएको जानकारी दिदै कोषमा योगदान गर्न आह्वान गरेका हुन् ।

सरकारले आन्दोलनका क्रममा क्षति भएका संरचनाको पुनर्निर्माण तथा मर्मत, आर्थिक पुनरुत्थान, राहत र पुनस्र्थापनाका लागि भौतिक पूर्वाधार पुनर्निर्माण समिति (गठन) आदेश, २०८२ जारी गर्दै कोषको स्थापना गरेको हो । मन्त्री घिसिङले कोषमा निजी क्षेत्र, स्वदेशी तथा विदेशी नागरिक, गैर आवासीय नेपाली समुदाय, मित्र राष्ट्रहरु, विकास साझेदार तथा अन्तर्राष्ट्रिय सङ्घ संस्थाबाट योगदान गरी राष्ट्र पुनर्निर्माणको अभियानमा सहभागी हुन आह्वान गर्नुभयो । कोषमा जम्मा हुने रकम पारदर्शी रुपमा खर्च गरिने उनले बताए ।

त्यस्तै मन्त्री घिसिङले मुग्लिन–नारायणगढ सडकखण्डअन्तर्गत तुइनखोला नजिक खसेको पहिरो पन्छाउन अधिकतम प्रयास गरेको र निरन्तर पहिरो खसिरहेकाले समस्था देखिएको बताए । बर्षा नभए राती पनि काम गरेर सडक खुलाउने प्रयास गरिने, मुग्लिन–नारायणगढ सडकखण्ड अबरुद्ध भएपछि अन्य बैकल्पीक मार्गको सुधार गर्दै आवतजावत सहज बनाउने काम भएको बताए ।

मन्त्री घिसिङले जेनजी आन्दोलबाट क्षति भएका क्षतिको मूल्याङ्कन जारी रहेको र पुनर्निर्माणका लागि प्रारम्भीक विवरण प्राप्त भएको जानकारी दिए ।

प्रकाशित मिति: बिहीबार, असोज ९, २०८२

प्रतिक्रिया दिनुहोस्