केरुङमा बाक्लो हिमपातका कारण सामान आयातमा नेपाल प्रभावित

समाचार

गृहपृष्ठ
समाचार

केरुङमा बाक्लो हिमपातका कारण सामान आयातमा नेपाल प्रभावित

समाचारदाता बिहीबार, पुस १५, २०७८

चीनको केरुङमा मंगलबार साँझदेखिको बाक्लाे हिमपातका कारण नेपाल ल्याउन चीनको केरुङस्थित गोदाममा राखिएको सामान लोड हुन नसकेको व्यवसायीले बताएका छन् ।

केरुङमा करिब ३ फिटभन्दा बढी हिउँ परेको बताइएको व्यवसायी पुरुषोत्तम पौडेलले बताए । ‘पहिलेको भन्दा धेरै हिउँ परेको छ, अहिले सामान लोड गर्ने स्थिति छैन भन्ने खबर आएकाे छ,' उनले भने ।

हिमपातका कारण सामान लोड भएर नेपाल आउन लागेका चिनियाँ कन्टेनरसमेत केरुङमै रोकिएको पौडेलले बताए । ‘सामान लोड भएर बसेका गाडि केरुङबाट रसुवागढी आउन सकेको छैन, हिमपात भइरहेकाले लोड हुन सकेको छैन भनेर जानकारी आएको छ। उनले भने:- हिउँ जमेकाे छ, यातायात अवरुद्ध भएको छ भनिएको छ, अब कति दिन लाग्छ भन्ने यकीन छैन ।'

अर्का व्यवसायी शारदाप्रसाद पराजुलीका अनुसार हिमपातका कारण अबको केहि दिन नेपाल सामान आयातमा प्रभावित हुने देखिएको छ ।

'बुधबार बिहान ७ चिनियाँ कन्टेनरमार्फत सामान आयात भएको छ। बेलुकी दुई कन्टेनर आउने गर्थ्याे तर बुधबार भने आएन । चिनिया पक्षले हामीलाई केही जानकारी गराएको छैन ।रसुवागढीसम्म सामान ल्याएको रसुवा भन्सार कार्यालय टिमुरेका प्रमुख रामप्रसाद मैनालीले बताए ।चिनियाँ पक्षले दैनिक बिहान ९ कन्टेनर र साँझ २ कन्टेनर गरी दैनिक ९ वटा कन्टेनर मार्फत रसुवागढीसम्म सामान निर्यात गर्दै आएकाे थियो ।

बाक्लो हिमपातपछि नेपाल आयात हुने सामान लोड हुन सकेन।

प्रकाशित मिति: बिहीबार, पुस १५, २०७८

प्रतिक्रिया दिनुहोस्